2021 yil 15 dekabr kuni Namangan Muhandislik-Texnologiya Institutida Erasmus+ milliy ofisi va Ekspertlar milliy guruhi a'zolari ishtirokida seminar o‘tkazildi.

Institut rektori Odiljon Mamatkarimov mazkur dastur doirasidagi har qanday tadbirlar, seminarlarga mezbonlik qilishga tayyor ekanligini bildirdi. Mehmonlar Erasmus+ dasturining yangi e'lon qilingan tanlovlarida institut jamoasi faol ishtirok etayotganidan minnatdor ekanliklarini bildirdi.

Seminar davomida Erasmus+ dasturi orqali loyihalarni amalga oshirish tartibi, loyihalarga qo‘yilgan talablar, ularning dolzarbligi haqida tavsiya va tushunchalar berildi.

Ma'lumot o‘rnida aytish kerakki, Namangan muhandislik-texnologiya instituti ham mazkur dastur doirasida 3 yilga mo‘ljallangan "TRIGGER"  loyihasini amalga oshirmoqda.